ଦେଶ କିମ୍ବା ରାଜ୍ୟର ବାର୍ଷିକ ବଜେଟ ରାଜ୍ୟରେ ଥିବା ବିଭିର୍ଣ୍ଣ ଆର୍ଥିକ ସେକ୍ଟରଗୁଡିକ ଉପରେ ସଂଗ୍ରହ କରାଯାଇଥିବା ତୃଣମୂଳ ତଥ୍ୟ ଉପରେ ଆଧାର କରି ତିଆରି କରାଯାଇଥାଏ I ରାଜ୍ୟବାସୀ ଦେଉଥିବା ଟିକସ, ବିଭିର୍ଣ୍ଣ କ୍ଷେତ୍ରରୁ ଆସୁଥିବା ରାଜସ୍ବ, କେନ୍ଦ୍ର ସରକାର ଓ ବିଭିର୍ଣ୍ଣ ଆର୍ଥିକ ସଂସ୍ଥାରୁ ମିଳୁଥିବା ଋଣ ଇତ୍ୟାଦିକୁ କିପରି ବିନିଯୋଗ କରି ରାଜ୍ୟବାସୀଙ୍କର ସାମୁହିକ ବିକାଶ କରିହେବ ସେଥିପାଇଁ ତୃଣମୂଳ ସ୍ଥରରେ ଜ୍ଞାନଥିବା ଅଭିଜ୍ଞ ଅଧିକାରୀ, ଅର୍ଥନୀତିଜ୍ଞ ଓ ବୁଦ୍ଧିଜୀବୀମାନେ ଗଭୀର ଭାବରେ ପରୀକ୍ଷା ନିରୀକ୍ଷା କରି ଦେଶ ଓ ରାଜ୍ୟର ବଜେଟ ତିଆରି କରିଥାନ୍ତି I ବିଭିର୍ଣ୍ଣ ଆର୍ଥିକ ସେକ୍ଟରର ଚାହିଦା, ରାଜସ୍ବ ଉତ୍ପାଦନ ଶକ୍ତି ଓ ରୋଜଗାର ସମ୍ଭାବନାକୁ ଆଖିଆଗରେ ରଖି ବଜେଟଟି ତିଆରି କରାଯାଏ I ବଜେଟର ଗୁଣବତ୍ତା ଓ ଏହାର କାର୍ଯ୍ୟକାରିତା ଦେଶ ଓ ରାଜ୍ୟକୁ ସମୃଦ୍ଧ କରିଥାଏ I ଏବର୍ଷ ଓଡ଼ିଶାର ବିକାଶ ପାଇଁ ନବୀନ ସରକାର ୨୦୨୨-୨୩ ରେ ୨,୩୦,୦୦୦ କୋଟି ଟଙ୍କାର ଏକ ବିଶାଳ ବଜେଟର ଘୋଷଣା କରିଛନ୍ତି I ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଏହି ଲୋକାଭିମୁଖୀ ବଜେଟ ରାଜ୍ୟର ବିକାଶକୁ ତ୍ୱରାନ୍ୱିତ କରି ଶିଖରରେ ପହଂଚାଇବ I
ରାଜ୍ୟ ବଜେଟରେ ଶିକ୍ଷା, ଭିତ୍ତିଭୂମି ବିକାଶ ଯଥା ରେଳ ଲାଇନ, ବିମାନ ବନ୍ଦର, ଆଇଟି , ସ୍ୱାସ୍ଥ୍ୟ ସେବା, କୃଷି, ଖାଦ୍ୟ ସୁରକ୍ଷା, ନାରୀ ସଶକ୍ତିକରଣ ଓ ଖେଳ ସଂସ୍କୃତିର ବିକାଶ ପାଇଁ ପ୍ରାଧାନ୍ୟ ଦିଆଯାଇଛି
I ବଜେଟର ୭୫୫୧ କୋଟି ଟଙ୍କା ନ୍ୟାୟ ବିତରଣ, ଅପରାଧ ନିରାକରଣ ଓ ବିପର୍ଯ୍ୟୟ ପରିଚାଳନା ପାଇଁ ଉଦ୍ଧିଷ୍ଟ କରାଯାଇଛି i
ଏକ ସ୍ଵଛ ନ୍ୟାୟ ବିତରଣ ପ୍ରକ୍ରିୟା,
ସଚ୍ଚୋଟ ବିଚାରପତି,
ସାଧୁ ଓ
ଦକ୍ଷ ପୋଲିସ କର୍ମଚାରୀ, ଡାକ୍ତର ଓ ଶିକ୍ଷକ ରାଜ୍ୟର ସାମୁହିକ ବିକାଶକୁ ଶିଖରରେ ପହଞ୍ଚାଇଥାନ୍ତି
I ବଜେଟରେ ଓଡିଶାବାସୀଙ୍କର ମୌଳିକ ଆବଶ୍ୟକତା ଯଥା ଶିକ୍ଷା, ସ୍ୱାସ୍ଥ୍ୟ ଓ ଖାଦ୍ୟ ସୁରକ୍ଷାକୁ ପ୍ରାଧାନ୍ୟ ଦିଆଯାଇଥବାର ଲକ୍ଷ କରାଯାଏ
I
ଓଡ଼ିଶାରେ ବିଗତ ୨୦ ବର୍ଷ ଭିତରେ ରୋଡ଼, ପୋଲ, ଫ୍ଲାଇ ଓଭର, ରେଳ ଷ୍ଟେସନ ଓ ବିମାନ ବନ୍ଦରଗୁଡିକର ଗୁଣାତ୍ମକ ମାନରେ ପରିବର୍ତ୍ତନ ଦେଖାଦେଇଛି i ଓଡିଶା ବଜେଟ ୨୦୨୨-୨୩ ରେ ମଧ୍ୟ ରାଜ୍ୟରେ ଭିତ୍ତିଭୂମି ବିକାଶକୁ ଅଧିକ ଗୁରୁତ୍ୱ ଦିଆଯିବ i ଯଦିଓ ରାଜ୍ୟ ଉପଯୋଗୀ ଭିତ୍ତିଭୂମି ବିକାଶ ରାଜ୍ୟରେ ରୋଜଗାରର ଅନେକ ସମ୍ଭାବନା ସୃଷ୍ଟି କରିବ, ଭିତ୍ତି ଭୂମି ବିକାଶ ପାଇଁ ଉଦ୍ଧିଷ୍ଟ ଧନ ରାଶି ରାଜ୍ୟରେ ରହିଲେ ଏହା ଓଡ଼ିଶାର ଅର୍ଥନୀତିକୁ ସୃଦୁଢ କରିବ I ସେଥିପାଇଁ ରାଜ୍ୟ ସରକାର ଓଡ଼ିଶାର ଉଦ୍ୟୋଗପତିମାନେ କିଭଳି ଭିତିଭୂମି ବିକାଶ ଉଦ୍ୟୋଗ ଗୁଡିକର ଗୁଣାତ୍ମକ ମାନ ବଢାଇପାରିବେ ସେଥିପାଇଁ ସମସ୍ତ ସୁବିଧା କରିବା ଦରକାର I ଫଳରେ ଏହି ବଡ ବଡ ଉଦ୍ୟୋଗ ଗୁଡିକର ଲାଭାଂଶ ଓଡ଼ିଶାରେ ରହି ରାଜ୍ୟକୁ ସମୃଦ୍ଧ କରିବ I ଓଡ଼ିଶାରେ ଥିବା ଉଦ୍ୟୋଗପତିମାନେ ମଧ୍ୟ ନିଜର ବିଶ୍ୱସନୀୟତା, ପ୍ରକଳ୍ପଗୁଡିକର ଗୁଣବତ୍ତା, ରାଜ୍ୟ ପାଇଁ ପ୍ରତିବଦ୍ଧତା ଓ ଆଧୁନିକ ଟେକ୍ନୋଲୋଜିର ଉପଯୋଗ ବଢାଇବା ଦରକାର i ଓଡ଼ିଶାର ସୁନାମଧୟ ଉଦ୍ୟୋଗପତି ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗୀୟ ବିଜୁ ପଟ୍ଟନାୟକ ରାଜ୍ୟ ଓ ଦେଶ ବାହାରେ ଶିଳ୍ପ ଉଦ୍ୟୋଗଗୁଡିକ କରି ଓଡ଼ିଶାର ଗୌରବ ବଢାଇଥିଲେ I ଓଡ଼ିଆ ଯୁବପିଢ଼ି ବିଜୁ ବାବୁଙ୍କର ପଦାଙ୍କ ଅନୁସରଣ କରିବା ଉଚିତ I ଓଡ଼ିଶାରେ ମିଶନ ଶକ୍ତି ମହିଳାମାନଙ୍କ ପାଇଁ ଗାଁ ଗହଳରେ ଅନେକ ସୁବିଧା କରିଥିବାର ଲକ୍ଷ କରଯାଏ I ଭୁବନେଶ୍ୱରରେ ହେଉଥିବା ଆଦିବାସୀ ମେଳାରେ କୋରାପୁଟ, ମୟରୁଭଞ୍ଜ, କେଉଁଝର ଓ ରାୟଗଡ଼ାରୁ ଆସିଥିବା ମହିଳାମାନେ କହନ୍ତି ମିଶନ ଶକ୍ତି ପ୍ରୋଗ୍ରାମ ମାଧ୍ୟମରେ ସେମାନେ କୃଷି ଉତ୍ପାଦ, ମସଲା, ଜାଙ୍ଗଲ ଜାତ ଦ୍ରବ୍ୟ ବିକି ନିଜର ଆର୍ଥିକ ଉର୍ନ୍ନତି କରିପାରିଛନ୍ତି I ମିଶନ ଶକ୍ତିକୁ ଆଗକୁ ବଢାଇବା ପାଇଁ ସରକାର ବଜେଟରେ ୨୦୦୦ କୋଟି ଟଙ୍କାର ପ୍ରାବଧାନ ରଖିଛନ୍ତି I ମିଶନ ଶକ୍ତି ମିଶନ ମୋଡ଼ରେ ଚାଲିଲେ ଏହା ଓଡ଼ିଶାର ସୁକ୍ଷ୍ମ ଆର୍ଥିକ ଗତିବିଧିର ବିକାଶ କରି ରାଜ୍ୟରେ ମହିଳାମାନଙ୍କ ପାଇଁ ଅନେକ ରୋଜଗାର ସୃଷ୍ଟି କରିବ I
ଖେଳକୁଦର ବିକାଶ ପାଇଁ ବଜେଟ ରେ ୯୧୧ କୋଟି ଟଙ୍କାର ବ୍ୟୟ ପ୍ରସ୍ତାବ ଅଛି I ଏହି ରାଶି ଖେଳ କୁଦର ବିକାଶ ପାଇଁ ଭିତ୍ତି ଭୂମି ତିଆରି କରିବାରେ ଓ ଖେଳାଳିମାନଙ୍କୁ ତାଲିମ ଦେବାରେ ଖର୍ଚ୍ଚ ହେବ I ଖେଳ କୁଦର ବିକାଶ ସଂଗେ ସଂଗେ ଖେଳାଳିମାନଙ୍କୁ କର୍ମ ସଂସ୍ଥାନ ଯୋଗାଇବା ପାଇଁ ସରକାର ସରକାରୀ ଓ ବେସରକାରୀ ସଂସ୍ଥାମାନଙ୍କୁ ନିର୍ଦେଶ ଦେବା ଉଚିତ I ଯଦିଓ ୨୦୨୨-୨୩ ବଜେଟ ତୀର୍ଥ ପର୍ଯ୍ୟଟନ, ହସ୍ତଶିଳ୍ପ ଓ ହସ୍ତତନ୍ତ ଇତ୍ୟାଦି ଆର୍ଥିକ ଗତିବିଧିକୁ ପ୍ରାଧାନ୍ୟ ଦେଇନାହିଁ, ଏହା ଓଡ଼ିଶାର ପ୍ରାୟ ଅଧିକାଂଶ ଆର୍ଥିକ ସେକ୍ଟରର ବିକାଶ ପାଇଁ ଧନରାଶିର ବ୍ୟବସ୍ଥା କରିଛି I ବଜେଟଟି ଲୋକାଭିମୁଖୀ ହେବ କି ନାହିଁ ଏହା ଲୋକମାନଙ୍କର ସଚ୍ଚୋଟତା, କାର୍ଯ୍ୟ ଦକ୍ଷତା, ଓଡିଶା ପ୍ରତି ପ୍ରତିବଦ୍ଧତା ଓ ମାନସିକତା ଉପରେ ନିର୍ଭର କରିବ I
